فمان الله ياحبن مضى كله الم وجروح
فمان الله ياخلن سكن في قلـــــــــبي وعيني
ابركب قبل لاغرك في بحر حبك سفيتة نوح
عساي اسلم بروحي بعد مازدت الوجع فيني
اببعد عنك ياللي كنت ساكن قلــــــــــبي المجروح
ابرحل عنك لديارن غلاها في شراييني
ابي ذيك الديار اللي غلاهافي سماي يلوح
عساي القى بها بعض الحنان اللي يسليني
مادام ان الهوى كذبه وحبك تاليه مزوح
ابدور على غيرك حبيبن عنك يغنيني
بعد خليتني عايش جسد لكن بليا روح
وانا اللي كنت احسب انك من جروحي تداويني
غلطت وقلت لك عادي هجرت وقلت لك مسموح
قسيت وقلت يمكن لانظر عبراتي يليني
تهون المشكله لوهي غلط واقول لك مدموح
لكن المشكله جرحن حصل بين المحبيني
بعد ذاك الفراق اللي حصل ياقلـــــــــبي المذبوح
انا الغلطان ياقلـــــــــــــــبي ترى جرحك من ايديني
انا ماكنت اثق فالحب لكني عجزت ابوح
امانه لاتحاسبني ترى مافيني يكفيني
مادام الحب صار اليوم لعب وتسليه ومزوح
مادام اللي شريته باعني ماعاد يغليني
ابرحل للديار اللي تداوي عله المجروح
عساي القى بها حبن من احزاني ينسيني
الرئيسية 
الأحد أبريل 12, 2009 4:40 am
